“1-oktabr — Ustoz va murabbiylar kuni” bilan tabriklaymiz!

                                                               Hurmatli ustoz va murabbiylar!

  Аvvalo, siz, azizlarni, taʼlim-tarbiya sohasining barcha jonkuyar xodimlarini umumxalq bayrami – Oʼqituvchi va murabbiylar kuni bilan chin qalbimdan samimiy muborakbod etaman. Ushbu qutlugʼ ayyomda siz, zahmatkash ustozlarga koʼnglimizda, yuragimizda boʼlgan yuksak hurmat-ehtirom va ezgu tilaklarni soʼz bilan toʼliq ifoda etish qiyin, albatta. Chunki sizlar dunyodagi eng bebaho boylik va boqiy merosni yaratish, uni xalqimizga, unib-oʼsib kelayotgan yosh avlodimizga bezavol yetkazish yoʼlida chinakam fidoyilik koʼrsatib mehnat qilayotgan ulugʼ insonlarsiz. Bu ulkan boylik – aql-zakovat va ilm, bu oʼlmas meros – yaxshi tarbiyadir.

Jamiyatimizda bogʼcha tarbiyachisi, maktab muallimi, oliygohlarning professor-oʼqituvchilari va ilmiy-ijodiy ziyolilarni bugun biz intilayotgan Uchinchi Renessansning toʼrt tayanch ustuni deb eʼtirof etmoqdamiz. Shundan kelib chiqib, ularning hurmat-eʼtiborini oshirish, xususan, muallim va ustozlarning qadri, shaʼni va gʼururini tiklash, mashaqqatli va sharafli mehnatini moddiy va maʼnaviy ragʼbatlantirish boʼyicha boshlagan ishlarimizni albatta yangi pogʼonaga koʼtaramiz.
   Siz, azizlarni qutlugʼ bayramingiz bilan yana bir bor tabriklab, barchangizga sihat-salomatlik, baxtu saodat, ezgu faoliyatingizda ulkan muvaffaqiyatlar, xonadonlaringizga fayzu baraka tilayman.
Hamisha sogʼ-omon boʼling, muhtaram ustozlar!   

     Shu bois bugun sizlarning shaʼningizga bildirayotgan olijanob istaklarimiz, taʼzim va tashakkurlarimizni butun el-yurtimizning cheksiz hurmat va ehtiromi ramzi sifatida qabul etgaysiz.