Talabalar turar joyiga kafedra o'quvchilarining tashrifi

                                  
Kafedramiz o‘qituvchilari tomonidan talabalar turar joyiga navbatdagi tashrif amalga oshirildi. Tashrifdan maqsad talabalarning yashash sharoitlari, kundalik turmushi hamda darslarga tayyorgarlik holati bilan yaqindan tanishishdan iborat bo‘ldi. Uchrashuv davomida o‘qituvchilar talabalar bilan suhbatlashib, ularning muammolari, taklif va fikr-mulohazalarini tingladilar. Shuningdek, talabalarga bo‘sh vaqtni samarali tashkil etish, kitob mutolaasi, tartib-intizomga rioya qilish hamda sog‘lom turmush tarzini olib borish bo‘yicha tavsiyalar berildi.Tashrif iliq va samimiy muhitda o‘tdi. Bunday uchrashuvlar talabalarning o‘qishga bo‘lgan mas’uliyatini oshirish, ularni qo‘llab-quvvatlash hamda kafedra bilan talabalar o‘rtasidagi hamkorlikni mustahkamlashga xizmat qiladi.